sonito 108
(para ed si Dr. Cirilo F. Bautista)
nen Santiago Villafania

nen kalabian pinigarpigar ko
so talurtur ed dasig na anlong
binaybay ko’y katagan aralem
angga’d dinmala iya ed papil

ed saman ko onan atawayan
so samit tan pait na salitan
nagmaliw ya ostia ya insubo
na ilalam ko ed kanonotan

onia manaya so umaanlong
no onla’d akualan na inkadyus
nakaukulan to so ompatey
ya akayorong a singa Buddha
ono akadepa ed kalbario
na salita tan pilosopiya

Here's the Tagalog version of the poem.

Manaya, salamat ed si Teddy Morales, sikato so nanggawa ed sayan video